2006/2/16 (補寫)

2006/2/15 (補寫)

今日我地見面luuu

中午去左橫濱, 返到黎池袋都成6點幾.

雖然好耐冇見過佢, 掛住佢, 但係見面gei時候, 望住佢個樣, 有一種"既熟識, 又陌生" o既感覺.

直至夜晚食完飯返返去酒店, 先至好少少.

佢買左個Burberry銀包比我做情人節禮物, 仲有一盒朱古力. 而我就去買左一盒唔知入面係咩, 個盒淨係寫住"情人節限定版" o既野食比佢.

原本入面有兩個外面好似豆沙包, 個餡係朱古力, 仲有d朱古力碎, 好好味.

多謝晒你個銀包, 我好鐘意呀!

2006/2/11 (補寫)

一早起身, 送左rex出門口之後就冇繼續訓, 因為佢漏左比d Yen我, 要我落樓下攞.

橫掂起左身, 索性print埋個email出黎, 之後無所事事, 走份入房訓一陣.

打開左半個窗, 望住個海, 就咁就訓著左...

起身係1點鐘...

之後出左去東薈城間泰國野食左個tea, 仲打包左個鳳爪tim.

自己一個人, 行左陣, 冇咩行, 打算返去. 原來一個人行街都幾悶, 尤其係冇目標咁行...

之後去KFC買左D take away, 再去PIE & TART 買多個雞批, 就當係今晚 dinner.

晚上用oven 整返熱d野, 食埋佢, dinner攪掂. 沖埋涼, 吹埋頭, 開始執行李.

點知攞d衫出黎, 左試試右試, 攪到成11點!!! 唯有拿拿臨執好d行李, 上床訓覺!

訓覺o個陣, 有d驚, 開著個電視, 教左半個鐘時間製, 有d聲陪下, 先至安心去訓.

2006/2/7 (補寫)

今日唔知做咩, 肚痛頭暈兼發燒..

休息一天.

2006/2/6

開"頁"大吉.

男主角: Rex Leung. 32歲, 身高178cm, 電訊業鉅子. 鐘意賺錢, 打機, 去旅行, 食野, 食啫喱, 飲涷野, 有個35吋 belli, 典型活躍香港男孩(?!)

女主角: Paula Sam, 本人. 24歲, 身高175cm, 會展業小角色. 鐘意睇書, 食野, 聽歌, 諗野, 發夢, 同人傾計(尤其鐘意了解人地內心世界 - 其實係八卦), 係一個抱持完美主意o既香港澳門人.

內容: 兩人於澳門認識, 之後拍拖. 由2005年7月23日到而家已經有6個半月. 呢段短短o既日子裡, 經歷左好多野, 發生左好多事. 所以想藉著"鬼棲之家"記低每一件大事小事無聊事以及鎖碎事...